Та энэ дэлхийн хамгийн тарган хүн хэр зэрэг хүнд гэж бодож байна даа? Хариулт нь 444.5 кг жинтэй Их Британы иргэн Пол Мэйсон гэнэ.

Ойрмогхон, эрүүл мэндийн байгууллага эмчилгээ хийхийн тулд хүчээр мань эрийг цэргийн нисдэг тэргээр тээвэрлэхээр төлөвлөсөн гэнэ. 

Тайваны Науньюсийн /Taiwan's Nownews/ мэдээллэснээр 48 настай Британийн иргэн энэ эр хэт идэх өвчний улмаас дэлхийн хамгийн тарган хүн болсон юм байна.

Ноён Мэйсон идэх донгоосоо болоод ихээр шаналж байгаа бөгөөд хоолоо хорих нь түүний хувьд бүтэшгүй зүйл гэж итгэж байгаа. Мань эр өдөрт 20,000 калор хоол иддэг нь энгийн насанд хүрсэн эр хүн 2,500 калор хоол иддэгтэй харьцуулахад аймшигтай байна уу? Тэрээр одоо орон дотроо хэвтэхээс өөр зүйл хийж чаддаггүй

Зураг дээр: Аз жаргалтай хосууд, Мануэл Урибэ ба түүний гэргий Клаудиа Солис Миранда

Өмнө нь Мексикийн Мануэл Урибэ гэгч эр 572 кг татаж дэлхийн хамгийн тарган эрээр шалгарч байсан ч бараг жингийнхээ тэн хагасыг хасч, өнгөрсөн жил гэрлэсэн. Мексик эр хамгийн тарган эрийн "титэм"-ээ амжилттайгаар авч хаяж Полд титмээ шилжүүлвээ хөөрхий.

Пол жингээ 285 кг болгож турсан ч гэсэн нэг их удаан барьж чадаагүй гэнэ. Түүний ээжийг нас барахад орон нутгийн засгийн газар түүнийг асруулахаар хоёр сувилагч томилсон байх юм.

Эмч түүний зүрх ийм их ачааллыг дийлэхгүй гэж санаа зовж байгаа ба албадан эмчилгээ хийлгэхээр шийдээд байгаа ажээ. Эрүүл мэндийн байгууллага түүнийг тээвэрлэхийн тулд бүр цэргийн нисдэг тэрэг явуулахаар шийдээд байсан ч оронд нь эмнэлгийн тусгай тэрэг ашигласан гэнэ. 

Эрүүл мэндийн байгууллага хэлэхдээ, Полын эмгэг нь тархи мэдрэлийн нэгэн төрлийн өвчин учраас түүнд туслах үүрэгтэй гэлээ.