Монгол улсын ууган сургуулиудын нэг болох Дорноговь аймгийн Сайншанд хотын Ерөнхий боловсролын 1-р сургууль нь орон нутагтаа төдийгүй улсдаа сурлага, урлаг, спортын амжилтаараа бусдыгаа үлгэрлэн манлайлж яваа сурагчид олонтой, говь нутгийн ард түмний үр хүүхдийг эрдмийн аянд хөтөлж, өсвөр үеийг өв тэгш хүмүүжил, мэдлэгтэй боловсон хүчин болгон хүмүүжүүлэх үйл хэрэгт манлайлж яваа сургуулиудын нэг билээ. Тус сургууль нь орчин үетэйгээ хөл нийлүүлж, сурган хүмүүжүүлэгчид, төгсөгчид, сурагчдаа холбосон, тэдэнд сургуулийнхаа талаар мэдээллийг хүргэх, сурталчилах зорилготой www.school1.mn цахим хуудсыг нээгээд байгаа юм байна. 

Монгол Улсын Ерөнхийлөгч Цахиагийн Элбэгдорж Замын-Үүд дэх томилолтоо өндөрлөж Дорноговь аймгийн төв Сайншанд хотод хүрэлцэн ирлээ. Ерөнхийлөгчийг Сайншанд хотод ирэхэд тус аймгийн удирдлагууд болон цэргийн хүрээний хүндэт харуул угтан авав.  

Сайншанд сумын 4-р багийн иргэн Т.Баярмаагийн хүү С.Сод-Эрдэнэд зориулсан "СЭТГЭЛИЙН ДЭМ" ХАНДИВЫН ТОГЛОЛТ 2012 оны 2-р сарын 7-ны 19:00цагаас "Монгол бөхийн өргөө"-нд болно.

Билетийн үнэ: 6000төг  Лавлах утас: 9913-3373, 9665-1159, 9661-3233, 8800-2501

Тоглолтонд: МУГЖ Бүрнээбаяр МУГЖ Болормаа СТА Төрмандах СТА Банзрагч СТА Чинболор СТА Ноён бондгор Эрдэнэбаяр Бичүү Эгшиглэн Эрка Бобо /поп/ Баярцэнгэл Гавана Gee Desant МС Ариука Gennie Дижитал 3 Бүдүүн Sync M.I.C Avenue S.S Хөсөгтөн /язгуур урлаг/ Хошин урлагийн X-Tuts, Шинэ үе Продакшин Суурь ба түүний нөхөд г.м олон олон хамтлаг дуучид хүрэлцэн ирж сэтгэлийн дэм хайрлах болно.

Та бүхэн дэлгэрэнгүй мэдээллийг доорх хаягуудаас авна уу.
http://www.facebook.com/events/170608176378135/?ref=ts

http://www.facebook.com/pages/Soderdene/214004335294279?ref=ts

Залуус аа. Нутгийнхаа хүүг сэтгэл зүрхээрээ дэмжиж, тоглолтыг үзээрэй.
Б.Сод эрдэнэ хүүд урам өгч тоглолтноос олох орлогыг эмчилгээнд зориулагдах болно.
Монголын ирээдүй болсон хүүхдүүд багачууд маань үргэлж инээд баяслаар дүүрэн байг!

(2012 оны 2 дугаар сарын 1-ны өдрийн байдлаар)

Дорноговь аймагт 2012 оны  2 дугаар сарын 1-ны өдрийн байдлаар бидний судалж буй 13 нэр төрлийн барааны үнийг өмнөх 7 хоногийн үнэтэй харьцуулахад хонины махны үнэ 11.9 хувь, ямааны ястай мах 1.4 хувиар тус тус өсч, үхрийн махны үнэ 3.3 хувь,  автобензин АИ80 үнэ 3.0 хувь, АИ92 үнэ 2.6 хувь, дизелийн түлш 2.5 хувиар тус тус буурсан байна.

Сайншандын бараг сүлд болтлоо дуулагддаг нэг дуу байдаг. Энэ бол Миний Сайншанд хэмээх дуу билээ. Уг дууны үгийг Саранхөхөө театрын дарга Л.Эрдэнэбат зохиож, аяыг Б.Ганболд хийж, дууг Ж.Галбаатар дуулсан. Нутгаасаа хол суугаа, гадаадад ажиллаж амьдарч байгаа Сайншандчууд, Дорноговьчууддаа "Миний Сайншанд" дууг хүргэж байна. Үгтэйгээ гарах учир дагаад дуулаарай. Дүрсийг "Элгэмсэг хот Сайншанд-Эх орны хөгжлийн түүчээ" баримтат киноны хэсгээс авч ашиглав, эвлүүлгийг Фэйсбүүк дэх Дорноговь аймгийн админ Tsoko хийсэн.

Фэйсбүүк дэх Дорноговь аймгийн бүлэг 2011 оны 7-р сард албан ёсоор нээгдсэн бөгөөд одоо байдлаар 976 гишүүнтэй болоод байна. Удахгүй 1000 гишүүнтэй томхон бүлгийн нэг болох юм.

"Монгол тэмээ-2012" наадам Сайншанд хотноо болно

Дорноговьчууд их говийнхоо ард түмний бахархал амьжиргаа аж ахуйнх нь ганц түшиг болсон тэмээгээ дээдлэн их удмын санг нь залгамжлуулах, өсгөх үүднээс 2 жилд нэг удаа "Тэмээний баяр"-ыг уламжлал болгон зохион явуулдаг билээ.

Энэ жил тус арга хэмжээг 2012 оны 2 дугаар сарын 10-12 ны өдрүүдэд Сайншанд хотноо зохион байгуулахаар болсон байна. Тус наадмын үеэр Тэмээн Поло тэмцээн, Хурдан тэмээ, Шилмэл Ингэ буур, Буухиа тэмцээн, Сайхан хос шалгаруулах уралдаан гээд олны нүд хужирлах олон арга хэмжээг зохион байгуулахаар төлөвлөж байна.

2009 оны 9-р сараас хэрэгжүүлж эхэлсэн “Мон-Үндэс” хөтөлбөрийг санаачлагч “Бат боломж” ХХК 2008 онд байгуулагдсан, гадаад, дотоод худалдаа, үйлдвэрлэл, үйлчилгээний чиглэлээр үйл ажиллагааг эрхлэн явуулдаг. Хөтөлбөрийн хүрээнд 2010 онд “Монголын Өрх Гэрийн Үйлдвэрлэл Эрхлэгчдийг Дэмжих Холбоо” ТББ-ыг байгуулан дэмжиж, ажиллаж байна. Хөтөлбөрийн зорилго нь төр засгийн бодлого шийдвэрт нийцсэн, Монголын нийт ард иргэдийг бүхэлд нь хамарсан өргөн цар хүрээтэй үйл ажиллагаа бөгөөд үндэсний хэмжээний хөтөлбөр болон хэрэгжиж байна.

Хөтөлбөрийн хүрээнд дүүрэг орон нутагт 33 албан ёсны 30 салбар, БНХалимаг улсад 1 салбар байгуулагдаад байна. Хөтөлбөрт хамрагдсан нийт гишүүдийн тоо 5500-д хүрээд байна. Энэ хугацаанд өрхийн үйлдвэрлэгчдийн болоод жижиг дунд үйлдвэрлэгчдийн бараа борлуулалт 17 сая төгрөгт хүрсэн байна. Уг хөтөлбөр цар хүрээгээ өргөжүүлэн өрх гэрээр үйлдвэрлэсэн бараа бүтээгдэхүүний борлуулалт өсч, тоо чанар өсөхийн хэрээр өрхийн үйлдвэрлэлээс жижиг дунд үйлдвэрлэлд шилжих дэвшил гарах нь дамжиггүй юм.