Хувь заяа надаар тетрес тоглуулаад байх шиг санагддаг. 90 оны сүүлчээр байх аа. Нэг хэсэг бидний үеийн багачууд тетрес, тамагочи энэ тэр гээд одоогийн хүүхдүүдийн Айподын дайны юмны зах зухаас эдэлж эхэлж байсан үе л дээ. Амьдралд минь тохиолдож байгаа учрал бүхэн тетресийн дэлгэц дээр нэг нэгээр цувран гарч ирэх геометрийн дүрсүүд шиг, түүнийг тухай бүрт нь яаж эвлүүлж тавихаас тэр тоглоомыг хир удаан тоглож, хир олон оноо цуглуулж чадах нь бүхэлдээ шалтгаална. Мэдээж би бурхан шиг хамгийн шилдэг тоглогч нь биш учраас миний өрсөн дүрсний хооронд бага сага зай, нүд гараад үлдчих нь их. Гэхдээ золоор хувь заяа үргэлж миний талд байдаг болохоор энд тэнд үлдсэн нүхнүүдийг бөглөөд тушаачихаар хэрэгтэй дүрсүүдийг өгчихдөг.  Жижиг үдээс, ганц хадааснаас өгсүүлээд амьдралд тохиолдох бүх зүйлс, учрал бүхэн миний тоглоомын аль нэг цаг хугацаанд үлдсэн хоосон жижиг нүхнүүдтэй яг цав тохирч таарах нь үнэхээр хачин.

         Дарга эгч маань 80 аад оны дундуур Хятадын ШаньДун их сургуульд оюутан байхдаа "Хөхөөн дуу" нэртэй нэгэн тууж орчуулсан байдгийн. Түүнийгээ шинэ гарах номондоо оруулах гэтэл тухайн цаг үед номын эхээ авч үлдээгүй учир шинэ номын ажил нилээд хойшлоод байсийн. Янз бүрээр хайсан боловч эх нь олдоогүй. Харин энэ удаа би ямар санаандгүй байдлаар тэр номыг олсон гээч. ..........Бүртгэл яявагдаад эхэллээ. Бээжинд очиж байгаад үргэлжлүүлье...................

        Маргааш Дипломын ажлаа хамгаална. Ингээд сүүлийн хоёр жил хагас хичээсний минь үр дүн маргааш гарах нь, бас Шанхайд өнгөрүүлсэн оюутан амьдралдаа "Анд минь, баяртай, аз жаргал хүсье" гэж хэлээд, дараагийн шинэ аялалдаа гарах цаг болж байгаа юм байна.

        Цаг хугацаа гэж харавсан сум мэт хурдан юм аа. Нэг л мэдэхнээ энд 2 жилийг ардаа орхисон байна. 

       Энэ хугацаанд юу хийсэн билээ ?

       Хятадын бүх хувьсгал, шинэчлэл Шанхайгаас эхэлдэг гэдэг шиг миний амьдралын чухал шинэчлэлийн үе, нэгэн шинэ түүх энэ хотоос эхэлжээ гэж одоо бол бардам хэлэхээр байна.

       Дипломын ажлын эхэндээ талархлын үг бичсэн. Их энгийн л дээ. Энд ч бас сэтгэлд байгаа талархлын үгсээ сийрүүлье гэж бодлоо.

        Юуны түрүүнд надад энэ хотод энэ сургуульд ирж суралцах боломж олгосон МҮОНРТ, Монголын Дуу хоолой радио, Хятад хэлний редакцдаа талархаж байна. Намайг өлгийдөн авч, жигүүр ургуулсанд баярлалаа. Та бүхний бэлгэлсэн даль жигүүрээр би энэ хүртэл нисч ирж чадсан билээ.

       Хайртай ээждээ баярлалаа. Таны минь бурхан ухаан, агуу сэтгэл байгаагүйсэн бол бидний өнөөдрийг хэрхэн төсөөлөх билээ. Амьдрал бол сургууль, амьдрал бол ухаан, амьдралд мятрашгүй зоригтой байхыг та минь сургасан. Ариун цагаан сэтгэлийн чинь биелэл, алд биеийн чинь үргэлжлэл болсондоо үр чинь  хэзээд талархаж бас залбирч байх болно оо. Бидний хүрэх оргил бүхэн, бидний орчих тэнгэр бүхэн таных шүү ээж минь.

          Хайрт ханьдаа талархаж байна. Чухам чи л байдаг болохоор би урамшиж, гуниж, баярлаж, туньдаг. Амьдралын минь бат хана хэрэм аавын, ахын, хань нөхрийн хайрыг чамаасаа мэдэрдэг. Нэгэн биеэсээ тасалж намайг явуулахдаа "Хайрт хоёрын сэтгэл холын замдаа танигдана" гэж хэлж байсныг чинь санаж байна. Бидний амьдрал утга учиртай, бидний үргэлжлэл урт удаан байг.

          Хайртай охиндоо баярлалаа. Ээж нь хичээл сургууль гэж хол яваад, чамтай өдөр бүр хамт тоглож, орой бүр бүүвэйлж чадсангүй. Хүүхэд насны чинь баяр жаргалтай цаг хугацаанаас хумсалсан ээжийгээ уучлаарай.  Хайрт хүүдээ баялалаа. Чамайг энэ дэлхий дээр ирэхэд ээж нь сургууль судалгаа гэсээр жирийн нэг ээж шиг байж чадаагүй. Сайн сайхны биелэл болсон үрс минь, хожим та нар ойлгох болно оо. Ээж нь яагаад тэгтлээ их хичээж байсныг.

          Хайрт багш нартаа баярлалаа. Дипломын ажлыг минь удирдаж байсан профессор Чэнь Пэйчин болон Гуо Кө та бүхэнд баярлалаа. Та бүхний зааж сургасан бүхнийг ажлын талбар дээр ч амьдралын талбар дээр нь хэрэгжүүлж, та бүхний итгэлийг дааж явах болно.

          Хайрт найз Мари болон Таоффик  нартаа баярлалаа. Та хоёртойгоо оюутан амьдралаа аз жаргал эрч хүч дүүрэн өнгөрөөлөө. Чухамдаа шашин, хэл соёл, улс үндэстэн, арьсны өнгө ялгалгүй дэлхийн хүмүүс яаж төрсөн ах дүү шиг эе эвтэй байж болохыг бид бусдад харуулж чадсан. Та хоёроосоо хорвоо дэлхий ямар уужим багтаамжтай болохыг мэдэж авсан билээ. Амьдралын том сургууль байлаа та хоёр минь.

          Эцэст нь Бурхан тэнгэртээ, Монгол нутагтаа талархаж байна. Залуу Манзушрийн дүр болсон багш ламдаа талархаж байна. Номын нөхөддөө талархаж байна.  Харамгүй энэрэл хайран дунд чинь умбаж жаргасаан би чинь.  Дахин дахин мөргөн талархая.

Монгол улс Европын аюулгүй байдал, хамтын ажиллагааны байгууллагад элсэх хүсэлт гаргаж, Хятад Оросыг алгасан “Азиас Евпоп руу” харайхаар эрмэлзэж байна.
 
              

         Хятад, Оросын хооронд хавчигдан орших Азийн нэгэн улс болох Монгол улс нь Америк, Япон, Солонгос зэрэг улс орон хийгээд Европын аюулгүй байдал, хамтын ажиллагааны байгууллага (ЕАБХАБ), НАТО, Ази номхон далайн эдийн засгийн хамтын ажиллагааны байгууллага зэрэг олон улсын байгууллагуудтай “Гуравдагч хөрш”-ийн гэх гадаад бодлогоо идэвхтэй хэрэгжүүлэхийг эрмэлзэж байна. Зураг дээр 2011 оны 9 дүгээр сард МУ-ын ерөнхийлөгч Ц.Элбэгдорж Downing Street гудамжны 10 дугаар байрны өмнө Английн ерөнхий сайд Дэвид Кэмероны хамт.

          Хятадын умард хөрш Монгол улс “Гуравдагч хөрш”-ийн гадаад бодлогоо бодитоор идэвхтэй хэрэгжүүлж эхэлж байна. Монгол гэх энэ улс Хятад Орос хоёр улсын дунд орших Азийн улс бөгөөд Америк, Япон, Солонгос зэрэг улс орнуудаар зогсохгүй Шанхайн хамтын ажиллагааны байгууллага, ЕАБХАБ, НАТО, Ази номхон далайн эдийн засгийн хамтын ажиллагааны байгууллагыг ч “Гуравдагч хөрш”-ийн гадаад бодлогын төвөө болгон, улмаар Хятад Орос хоёр их хөрштэйгөө харилцах харилгаагаа тэнцвэржүүлэх нэрийн дор олон талт гадаад бодлогоороо Хятад Оросыг тогтоон барихаар хичээж байна.
          10 сарын 28-нд Монгол улсын гадаад харилцааны яам ЕАБХАБ -д элсэх өргөдлөө албан ёсоор өгч, Монгол Улсаас Вена дахь олон улсын байгууллагуудын дэргэд суугаа Байнгын төлөөлөгч Ж.Энхсайхан ЕАБХАБ -ыг Монгол улсын гуравдагч хөрш болно хэмээн найдаж байгаагаа илэрхийлсэн. Европын аюулгүй байдал, хамтын ажиллагааны байгууллага 11 сард төлөөлөгчдөө томилж, энэ асуудлаар Монголын талтай хэлэлцэж, улмаар энэ оны 12 дугаар сард тус байгууллагын сайд нарын хурлаас албан ёсны хариу өгнө гэж мэдэгдлээ.

Шанхайн хамтын ажиллагааны байгууллагыг шахаанд оруулах оролдлого уу?

新自由主义造就蒙古“新贵”：我用资源换明天

Неолиберализм Монголыг "Шинэ баян" болгоно: Би баялагаараа маргаашийг бүтээнэ

Тиэнжин хотын "Өдрийн шинэ сонин" 2011 оны 10 сарын 8-ны дугаар

Сэтгүүлч Ю Мань И

Европ Америкийн ихэнх улсын эдийн засаг буурч байгаа энэ цаг үед харин манай хойд хөрш Монгол улсад бизнесмен, хөрөнгө оруулагчдын хөл тасрахгүй байна. Монгол улс өнгөрсөн жил дэлхийн хамгийн хурдтай эдийн засгийн өсөлттэй улс болсон юм. Хэдийгээр энэ улсын гурван хүн тутмын нэг нь нүүдэлчин болон хагас нүүдлийн амьдралаа хадгалсаар байгаа ч гадаадын хөрөнгө оруулалтын тасралтгүй урсгал энэ улсыг "Шинэ баян" болгож байна.

Монгол бол дэлхий дээрх хамгийн том хуурай газрын орон,  далайд гарцгүй бөгөөд түүний хамгийн ойрын далайн гарц бол 1500 км цаана алслагдах Тиэнжин боомт юм. Монголын газар нутгийн хэмжээ Герман улсыг 5 дахин өсгөсөнтэй ижил (1.5 сая км2), гэвч хүн ам нь ердөө 2.8 сая орчим. Ашиглагдаагүй асар их байгалийн нөөц, орд газрууд нь сүүлийн үед Монголыг хөрөнгө оруулагчдын анхаарлын төв дэх халуун цэг болгож байна.  

Ази тивийн хамгийн Баруунжсан орон 

20-р зууны 90-ээд оны үед, Монгол улс төр эдийн засгийн шинэчлэлийн цогц бодлого хэрэгжүүлж эхэлсэн. Улс төрийн хувьд нэг намын системээс олон намын системд шилжиж, харин эдийн засгийн хувьд чөлөөт зах зээлийн эдийн засаг буюу неолиберализмыг баримталсан юм. Өөрчлөлт шинэчлэлтийг дагаад Холливудын кинонууд Улаанбаатарт орж ирснээр хүмүүсийн өмсөж зүүх нь барууны хэв маягтай болсон бөгөөд англи хэл тэдний зайлшгүй эзэмших ёстой хэл болсон юм.  Барууны соёлд улам ойртохын тулд Монголын засгийн газраас нийтээрээ крилл үсгийг халж, латин үсэгт шилжих тухай "Латин үсгийн мастер төлөвлөгөө"  -г батлан гаргасан. Азийн бусад оронтой харьцуулахад Монгол улс яах аргагүй "Хамгийн Баруунжсан" улс юм.

Энэ улсад асар өндөр үнэтэй Европын брэнд хувцас өмссөн, гартаа Швед цаг зүүсэн, Бенз машин хөлөглөсөн хүн олон бий. Бас тансаг барилга хаусууд,  европ жимсний дарс, америк пивотой бар ресторонууд, гадаадын бараа битүү өрсөн супер маркетууд ч энд зөндөө. Гэсэн хэдий ч энэ улсад аж үйлдвэрлэл гэхээр зүйл бараг байхгүй, усны сав, шил, цаас, тэр ч бүү хэл савалгааны зориулалттай хөөсөнцрийг ч импортолдог.  Үүнийг Монголд очиж үзсэн бүгд хэлээд өгөх болно.

Гэхдээ ашигт малтмалын олборлолтын салбрын хурдтай өсөлтийг дагаад энэ оны эхний хагас жилд Монголын эдийн засгийн өсөлт 14.3%-д хүрсэн юм. Инфиляцыг тооцохгүйгээр эдийн засгийн өсөлт нь 29.1% байсан байсан бөгөөд Монгол улс одоогоор дэлхийн хамгийн хурдтай эдийн засгийн өсөлттэй орон болоод байна. Мөн ирэх жил нэг хүнд ноогдох дотоодын нийт бүтээгдэхүүн 5000 ам.доллорт хүрснээр Хятад, Тайланд зэрэг улсын түвшинд хүрнэ гэж тооцоолж байна.

            Инфиляци бол Монголын эдийн засгийн хурдтай өсөлтийн төлөөс юм. Өнгөрсөн жилийн 7 сартай харьцуулахад Монголын инфиляци 10.1%-д хүрсэн гэсэн тооцоо байна. 8 сарын 29-нд Монголын төв банк бодлогын хүүгээ 11.75% болгож өсгөж байгаагаа зарласан юм. Монголд одоо нүүрлээд байгаа хамгийн том эрсдлийг мөн л уул уурхайн салбар дагуулж байна. Монголын эдийн засаг уул уурхайн бүтээгдэхүүний экспортод, тэр дундаа Хятад дахь экспортод хэт түшиглэж байгаа юм.

"Стратегийн ач холбогдолтой ордууд"руу хошуурч байна

            Намайг Уудам гэдэг. Өвөр монголын Хүлэмбуйрын тал нутгаас ирсэн. Би зүгээр л дуулах дуртай. Тал нутагт хүн тааваараа  дуулж хашгирсан ч болно. ... Ээж минь миний дуулахыг сонсоод баярлах байх гэж найдаж байна.

Шүүгч 1: Чи их царайлаг юм

Уудам: Баярлалаа

           Өнөөдөр тайзан дээр сайн тоглолт үзүүлнэ гэж бодож байгаа. 

Шүүгч1: Чамайг хэн гэдэг вэ?

Уудам: Намайг Уудам гэдэг

Шүүгч1: Чиний өмссөн хувцас өмсгөлөөс хараад чамайг Монгол үндэстэн гэж таалаа. Зөв үү?

Уудам: Тийм ээ. Би Монгол

Шүүгч1: Өвөр Монголын ямар нутгийнх вэ?

Уудам: Хүлэмбуйр

Шүүгч1: Хүлэмбуйрын их тал нутаг.....??? Чиний мөрөөдөл юу вэ?

Уудам: Миний мөрөөдөл үү? Шидэт бэх зохион бүтээх. Тэр бэхээ газар ингээд дусаангуут л бүх дэлхий ногоорсон тал нутаг болоод л.

ВВС: Нүүрсний машинаар Монгол малчныг дайрч амь насыг нь бүрэлгэсэн хэргийн төлөө Өвөр монголын 2000 сурагч эсэргүүцлээ илэрхийлж байна.

             

"Хятадын Өвөр монголын 2000 монгол үндэстэн сурагч Шилийн хотод жагсаал зохион байгуулж, Орон нутгийн захиргаа монгол малчныг дайрч алсан нүүрсний машины хэргийг хэрэгсэхгүй байгааг эсэргүйцэж байна." хэмээн Хүний эрхийн байгууллага мэдэгдлээ.

        Нью Иорк хотод төвтэй Өвөр монголын хүний эрхийн төвийн мэдээлснээр, лхагва гаргийн өглөө 2000 сурагч Шилийн хотын захиргааны байрны өмнө жагсаж, эрх баригчид монгол малчны эдлэх ёстой эрхэд хүндэтгэлтэй хандахыг шаардлаа.
        Тус байгууллага мөн энэ эсэргүйцлийн жагсаалын тухай олон фото зургийг нийтэлсэн байна.
"Шилийн хотын эрх баригчид 25-ны үдэд сурагчдын эсэргүйцэх хөдөлгөөнд хариу мэдэгдэхдээ хохирогчийн гэр бүлд л нөхөн төлбөр төлөх тухайгаа хэлснээс өөрөөр байр сууриа илэрхийлээгүй" гэж Өвөр Монголын нэгэн интернет хэрэглэгч ВВС-д мэдээллээ.
        "Эрх баригчдын энэ үйлдэл нь асуудлыг шийдвэрлэж чадахгүй.", "400 мянган юаниар хүний амийг солих шийд гаргаж байгаа бол хойшид ийм хүний амь хохироосон олон хэрэг гарсаар байх болно" гэж энэ хэрэглэгч бас хэлсэн юм.
         Дээрх мэдээлэгчийн хэлснээр, орон нутгийн газар сайгүй нүүрсний уурхай ажиллаж байгаа бөгөөд орчны бохирдол хирээс хэтэрсэн, нүүрс тээвэрлэх машинууд ямар ч дүрэм журамгүй зэргээс малын бэлчээрийг хаа сайгүй сүйтгэж, малчдын хонь үхрийг дайрч алах тохиолдох ихсэж, малчдыг орших газаргүй болгож байгаа аж.

цааш нь унших....

           诺敏娜日苏在接受蒙古之声采访时
    蒙古国家电台，蒙古TV-9，蒙古《世纪消息》报以及中国国际广播电台等几家媒体对此次活动将进行给予了积极的报道。蒙古ＴＶ－9电视台于四月十五日 １９：３０分对此次活动进行了报道，育才完全中学广播孔子课堂中方负责人诺敏娜日苏接受了蒙古国家电台，《世纪消息》报，中国国际广播电台等媒体的采访， 在采访过程中她向蒙古受众详细介绍了孔子学院，孔子课堂的宗旨以及举办此次活动的目的和意义。相信此活动将对蒙古青少年学习和了解中国语言文化，增强两国 人民的友谊，提高蒙古学生中文水平起到积极的意义。
        在首都乌兰巴托举行的蒙古国第二届《中国历史文化》征文演讲比赛获得圆满成功。
蒙古国第一届《中国历史文化》征文演讲比赛曾于2010年4月在育才完全中文中学举办。

        育才广播孔子课堂　诺敏娜日苏     
                2011年4月１６日

http://money.163.com/special/focus270/

         3 сарын 31 нд Тавантолгойн нүүрсний ордны 1.5 тэрбумтай тэнцэхүйц  хувьцааг 2.8 сая иргэндээ хувааж өгөх болсон шийдвэрийг Монгол улсын засгийн газар гаргалаа. Монгол шиг ийм жишээ өмнө байхад, Хятад ч ард иргэддээ хувь хүртээж болохгүй гэж үү? Ямар хэлбэрээр хэрэгжүүлэх ёстой вэ?

Цааш нь унших............

            Уржигдар сургуульдаа ирлээ. Уг нь би үндэсний үзэлтэй хүн. Тийм ч болохоор ирж очихдоо болбол МИАТ-аараа үйлчлүүлэхийг зорьдог. Харин энэ удаа Айр Линк надад УБ-Шанхай, Шанхай-УБ нислэг санал болголоо. Мэдээж оюутан хүнд бэл бэнчингийн асуудал чухал байдаг. Үнийг нь асуутал 500 төг. Эхлээд сонсоход үнэтэй санагдаж байтал, УБ-Бээжин хүртэлх нислэг, Бээжин - Шанхай хүртэлх суудлын зардлыг, дараа нь бүр байгаад УБ-Замын Үүд, Замын Үүд-Эрээн, Эрээн-Бээжин, Бээжин-Шанхай хүртэлх газраар явах зардлуудыг тооцоод үзтэл....итгэмээргүй дүн гарлаа. Зарим азгүй тохиолдолд газраар явахад ирж очих 500-аас хэтрэнэ шүү. Тооцоод үзэх үү?       

               А хувилбар: УБ-Шанхай, Шанхай-УБ нислэг нийлээд 500 төг (Нээрээ хатуу нөхцөлтэй нь шүү.) Зарцуулах хугацаа багадаа 8 цаг орчим

Орчуулагч Ж.Нэргүйд орчуулагч ......... -аас:

             Уг нь тэртээ тэргүй их сэтгэгч биш л бол, бусад нь түүнээсээ суралцаад л амьдардаг биз дээ. Энэ хорвоо дээр сайнаар хэлбэл нэг нэгийгээ бүтээж, саараар хэлбэл нэг нэгийгээ мөлжиж шимж амьдардаг ш дээ. Тэртээ өнгөрсөн зуунд амьдарч байсан Оссендовский өөрийнхөө номыг хууллаа гэж гомдол тавихгүй, дэлхийн хүмүүст дуугүйхэн мөлжүүлж байхад, түүнийг нь мөлжсөн нь мөлжүүллээ гэхийн. 2500 жилийн тэртээх Бурхан багшийн номлолыг бид орчуулж байгаа. Гээд тэр судрыг мөлжлөө гэж Бурхан багш гонгинохгүй, орчуулсныг нь буюу мөлжсөнийг маань мөлжлөө гэж бид ч гонгинохгүй. Тэр номын яндашгүй утга нь олонд хүрч байвал анхлан бүтээгч хийгээд дараа дараагийн бүх үеийн оюуны мөлжигч нар бүгд баярлах ёстой мэт. Тиймээс та битгий хамаатнаа шоронд барьж өгч, цол ахиулдаг цагдаа шиг бай л даа. Бид чинь нэг л чигийн хүмүүс ш дээ.